വന്യജീവിയാക്രമണംമൂലം ഉണ്ടാകുന്ന നാശനഷ്ടങ്ങൾക്കുള്ള നഷ്ടപരിഹാരം എങ്ങനെ ലഭിക്കും ?
Answered on June 30,2020
ലഭിക്കുന്ന സഹായം:വന്യജീവിയാക്രമണംമൂലം ഉണ്ടാകുന്ന മനുഷ്യജീവനാശം, പരിക്ക്, കൃഷി/കന്നുകാലി നാശം, വസ്തുവകകൾക്കും വീടിനും ഉണ്ടാകുന്ന നാശനഷ്ടങ്ങൾ എന്നിവയ്ക്കുള്ള നഷ്ടപരിഹാരം ചുവടെ പറയുന്ന പ്രകാരമാണ് നൽകുന്നത്.
കഷ്ടനഷ്ടങ്ങളുടെ സ്വഭാവം | നഷ്ടപരിഹാരത്തുക (രൂപ) |
മരണം | പത്തുലക്ഷം രൂപ |
വനത്തിനു പുറത്തുവച്ചുള്ള പാമ്പുകടി മൂലമുള്ള മരണം | രണ്ടുലക്ഷം രൂപ |
സ്ഥായിയായ അംഗഭംഗം | പരമാവധി രണ്ടുലക്ഷം രൂപ |
പരിക്ക് | പരമാവധി ഒരുലക്ഷം രൂപ (മെഡിക്കൽ ഓഫീസറുടെ സർട്ടിഫിക്കറ്റിന്റെ വെളിച്ചത്തിൽ) പട്ടികവർഗ്ഗക്കാർക്കു പരിധിയില്ലാതെ ചെലവായ മുഴുവൻ തുകയും നൽകും. |
വിളനാശം, വീടുനഷ്ടം, കന്നുകാലിനഷ്ടം | നഷ്ടത്തിന്റെ 100% (പരമാവധി ഒരുലക്ഷം രൂപ) |
അർഹതാ മാനദണ്ഡം:കോളം രണ്ടിൽ പറഞ്ഞ നാശനഷ്ടങ്ങൾ അനുഭവിക്കുന്നവർക്കും മരണപ്പെടുന്നവരുടെ ആശ്രിതർക്കും നഷ്ടപരിഹാരത്തിന് അർഹതയുണ്ട്.
അപേക്ഷിക്കേണ്ട വിധം:അക്ഷയ കേന്ദ്രം വഴി ഇ-ഡിസ്ട്രിക്ട് മുഖേന ഓൺലൈനായി അപേക്ഷ അപേക്ഷിക്കുന്നയാൾ ഉൾപ്പെടുന്ന പ്രദേശത്തെ റെയിഞ്ച് ഫോറസ്റ്റാഫീസർക്ക് സമർപ്പിക്കാവുന്നതാണ്.
അപേക്ഷിക്കേണ്ട വിലാസം:Edistrict Kerala
ഓൺലൈൻ അപേക്ഷാഫോം:ഈ കണ്ണിയിൽ അമർത്തുക.
സമയപരിധി:ജീവനാശത്തിനുള്ള അപേക്ഷ ഒരുവർഷത്തിനും മറ്റപേക്ഷകൾ സംഭവം നടന്ന് ആറുമാസത്തിനും അകം നൽകണം.