ഒരു താലൂക്കിലുള്ള റേഷൻ കാർഡ് ടാറ്റ മൊത്തമായി മറ്റൊരു താലൂക്കിന്റെ പരിധിയിലേക്ക് മാറ്റുന്നതിന് എന്ത് ചെയ്യണം?

ഇതിന് രണ്ട് ഘട്ടമായി രണ്ട് അപേക്ഷകള്‍ നല്‍കേണ്ടതുണ്ട്.

• ആദ്യം നിലവിലുള്ള താലൂക്കിൽ നിന്നും ഈ കാർഡ് ഡാറ്റ പുതിയ താലൂക്കിന്റെ പരിധിയിലേക്ക് മാറ്റുന്നതിനായി Transfer of Cards എന്ന അപേക്ഷ അക്ഷയ വഴി / സിവിൽ സപ്ലൈസ് വെബ്സൈറ്റ്  വഴി നൽകണം. 

• താലൂക്ക് സപ്ലൈ ഓഫീസർ ആ അപേക്ഷ approve ചെയ്ത് ലഭിച്ച ശേഷം,രണ്ടാം ഘട്ടമായി അക്ഷയ വഴി / സിവിൽ സപ്ലൈസ് വെബ്സൈറ്റ് വഴി Add Transferred Cards എന്ന ലിങ്കിൽ ആവശ്യമായ രേഖകൾ സഹിതം അപേക്ഷിക്കണം. 

ഹാജരാക്കേണ്ട രേഖകൾ

ഒരു താലൂക്കിലുള്ള റേഷൻ കാർഡ് ടാറ്റ മൊത്തമായി മറ്റൊരു താലൂക്കിന്റെ പരിധിയിലേക്ക് മാറ്റുന്നതിന് വേണ്ടി ഹാജരാക്കേണ്ട രേഖകൾ താഴെ കൊടുത്തിരിക്കുന്നു.

• നിലവിലുള്ള റേഷൻ കാർഡ്

• ആ കാർഡ് പുതിയ താലൂക്കിലേക്ക് മാറ്റുന്നതിന് സമ്മതമാണെന്ന് വെള്ളപേപ്പറിലെഴുതി കാർഡുടമ ഒപ്പിട്ട സമ്മപത്രം.

താലൂക്ക് സപ്ലൈ ഓഫീസർ ആ അപേക്ഷ approve ചെയ്ത് ലഭിച്ച ശേഷം,രണ്ടാം ഘട്ടമായി താഴെ പറയുന്ന രേഖകൾ അക്ഷയ വഴി / സിവിൽ സപ്ലൈസ് വെബ്സൈറ്റ് വഴി Add Transferred Cards എന്ന ലിങ്കിൽ ഹാജരാക്കേണ്ടതാണ്.

• പുതിയ താലൂക്കിലെ Address- ലെ Residential Certificate/Ownership Certificate (വാടക വീടാണെങ്കിൽ വീട്ടു നമ്പരും വാർഡ് നമ്പരും രേഖപ്പെടുത്തിയിട്ടുള്ള വാടക കരാർ)

• പുതിയ address-ലെ KSEB consumer number

സിവിൽ സപ്ലൈസ് വെബ്സൈറ്റ് മുഖേന അപേക്ഷിക്കുന്ന വിധം

ആദ്യം സിവിൽ സപ്ലൈസ് വെബ്സൈറ്റിൽ ഒരു അക്കൗണ്ട് ഉണ്ടാക്കുക.അതിനുള്ള പ്രക്രിയ താഴെ കൊടുത്തിരിക്കുന്നു.

• സിവിൽ സപ്ലൈസ് വെബ്സൈറ്റിൽ  പ്രവേശിക്കുക.

• Citizen Login എന്ന ബട്ടൺ ക്ലിക്ക് ചെയ്യുക.

• Citizen ബട്ടൺ ക്ലിക്ക് ചെയ്യുക.

• Create an Account എന്ന ബട്ടണിൽ ക്ലിക്ക് ചെയ്യുക.

• പുതിയ റേഷന്‍ കാര്‍ഡിനു വേണ്ടിയാണോ എന്നു ചോദ്യത്തിന്‌ No എന്നു മറുപടി നൽകുക.

• റേഷന്‍കാര്‍ഡില്‍ നിലവില്‍ ചേര്‍ത്തിട്ടുള്ള ഏതെങ്കിലും ഒരു ആധാര്‍ നമ്പറും റേഷന്‍കാര്‍ഡ്‌ നമ്പരും നൽകുക.VALIDATE ചെയ്യുക. ഒരംഗത്തിന്റെയും ആധാര്‍ റേഷന്‍ കാര്‍ഡുമായി ചേര്‍ത്തിട്ടില്ലായെങ്കില്‍ അക്ഷയ കേന്ദ്രം മുഖേന അപേക്ഷ നൽകുക.

• ലോഗിന്‍ ഐഡി (പരമാവധി 10 അക്ഷരം), പാസ്‌ വേഡ്‌, ഇമെയില്‍, മൊബൈല്‍ നമ്പര്‍ എന്നിവ നൽകുക,Submit ചെയ്യുക.

• Email Id-ലേക്ക് വരുന്ന Verification Link -ൽ ക്ലിക്ക് ചെയ്ത ലോഗിൻ ചെയ്യുക.

സിറ്റിസൺ ലോഗിൻ ഐഡിയും പാസ്സ്വേർഡും മറന്നുപോയാൽ എന്ത് ചെയ്യണം?

Forgot User ID അല്ലെങ്കിൽ Forgot Password എന്ന ഓപ്ഷൻ ഉപയോഗിക്കുക.യൂസർ ഐഡി രജിസ്റ്റർ ചെയ്തപ്പോൾ നൽകിയ ഇമെയിൽലേക്ക് സന്ദേശം ലഭിക്കും.

ഒരു താലൂക്കിലുള്ള റേഷൻ കാർഡ് ടാറ്റ മൊത്തമായി മറ്റൊരു താലൂക്കിന്റെ പരിധിയിലേക്ക് മാറ്റുന്നതിനു വേണ്ടിയുള്ള അപേക്ഷ

• Create ചെയ്ത User ID-യും Password-ഉം ഉപയോഗിച്ച്‌ Login ചെയ്യുമ്പോള്‍ ലഭിക്കുന്ന പേജിലുള്ള E-SERVICES എന്ന ലിങ്കില്‍ ക്ലിക്ക്‌ ചെയ്യുക.

• തുട൪ന്ന്‌ ലഭിക്കുന്ന പേജില്‍ നിന്നും Transfer of Cards എന്ന Option തെരഞ്ഞെടുക്കുക.

• Transfer of Cards ക്ലിക്ക് ചെയ്യുമ്പോൾ വരുന്ന Application form fill ചെയ്യുക.

• അവസാനമായി FINAL SUBMIT എന്നതില്‍ ക്ലിക്ക്‌ ചെയുകയും ചെയ്താല്‍ മാത്രമേ അപേക്ഷ താലൂക്ക്‌ സപ്പൈ ഓഫീസ്‌ ലോഗിനില്‍ Approval ചെയുന്നതിനായി ലഭിക്കുകയുള്ളൂ.

• അതിന്‌ ശേഷം PRINT എന്നതില്‍ ക്ലിക്ക്‌ ചെയ്ത്‌ Application Printout എടുക്കുകയും അതില്‍ കാര്‍ഡുടമ ഒപ്പിട്ട്  ആ Signed Application തിരികെ upload ചെയുക.

• ആവശ്യമായ രേഖകള്‍ upload ചെയ്തശേഷ online അപേക്ഷകള്‍ SUBMIT ചെയുക.

• അപേക്ഷ അംഗീകരിച്ചു കഴിയുമ്പോള്‍ അപേക്ഷകന്‌ SMS മുഖേനയോ ഫോണിലൂടെയോ അറിയിപ്പു ലഭിക്കും.

• താലൂക്ക് സപ്ലൈ ഓഫീസർ ആ അപേക്ഷ approve ചെയ്ത് ലഭിച്ച ശേഷം,രണ്ടാം ഘട്ടമായി അക്ഷയ വഴി / സിവിൽ സപ്ലൈസ് വെബ്സൈറ്റ്  login വഴി Add Transferred Cards എന്ന ലിങ്കിൽ അപേക്ഷ നൽകണം.

• ഇ-റേഷൻ കാർഡ് സംവിധാനം സംസ്ഥാനത്ത് നടപ്പിലാകിയതിനാൽ, ബന്ധപ്പെട്ട ഉദ്യോഗസ്ഥന് അപേക്ഷ അംഗീകരിച്ച ശേഷം, അപേക്ഷകന് ഇ-റേഷൻ കാർഡ് ഡൗൺലോഡ് ചെയ്ത്  അച്ചടികാം.  ലാമിനേറ്റ് ചെയ്ത് ഉപയോഗിക്കാനും കഴിയും.

Upload ചെയ്യേണ്ട രേഖകളുടെ Format and Size

• കാര്‍ഡ്‌ ഉടമയാകേണ്ട വ്യക്തിയുടെ Passport Size Photo - JPG Format - Maximum size 15 kb

• മറ്റ്‌ രേഖകള്‍ - PDF Format - Maximum Size 200kb

നിങ്ങൾ കൊടുത്ത റേഷൻ കാർഡ് അപേക്ഷയുടെ Application status എങ്ങനെയറിയാം?

•  സിവിൽ സപ്ലൈസ് വെബ്സൈറ്റിൽ  പ്രവേശിക്കുക.

• E-SERVICE ക്ലിക്ക് ചെയ്യുക.

• Application Status എന്ന option സെലക്ട് ചെയ്യുക.

• Application number കൊടുത്താൽ Application Status ലഭ്യമാകുന്നതാണ്.